ՀՈՎԱԿԻՄՅԱՆ

ՀՈՎԱԿԻՄՅԱՆ

Հայկ Բադալի

Ծնվել է 1898 թ-ին Նախիջևանում:

1922 թ-ին ընդունվել է Ն. Բաումանի անվան ՄԲՏՈՒ: Պաշտպանել է թեկնածուական թեզ` Դ. Մենդելեևի անվան ՔՏԻ-ում:

1931 թ-ին աշխատանքի է անցել արտաքին հետախուզության նոր ստորաբաժանումում՝ գիտատեխնիկական հետախուզությունում: 1931-1933 թթ. աշխատել է Բեռլինի ռեզիդենտուրայում: 1934 թ-ից գտնվել է ԱՄՆ-ում (ծածկանունը՝ Գենադի)՝ այդ ընթացքում ԱՄՆ-ում պաշտպանելով դոկտորական թեզ և աշխատելով որպես ինժեներ: Եղել է Նյու-Յորքի ռեզիդենտի տեղակալը, իսկ 1938 թ-ից` ռեզիդենտուրայի պետը: 1941-1947 թթ. ղեկավար պաշտոններ է զբաղեցրել ԱԳՎ-ում:

Գեներալ-մայոր Հովակիմյանը մահացել է 1967 թ-ին: