Հայաստանի Հանրապետության ազգային անվտանգության ծառայությունը մեկնարկում է կիբեռանվտանգության մասնագետների համալրման գործընթաց՝ նորաստեղծ Կիբեռպաշտպանության ազգային կենտրոնի ձևավորման շրջանակում։

Կենտրոնի նպատակն է ապահովել Հայաստանի Հանրապետության կիբեռտարածքի պաշտպանությունը, բարձրացնել ազգային մակարդակի դիմադրողականությունը ժամանակակից կիբեռսպառնալիքների նկատմամբ և ձևավորել առաջատար կիբեռպաշտպանական կարողություններ։

Եթե ցանկանում եք Ձեր գիտելիքն ու փորձը ծառայեցնել հայրենիքի զարգացմանը և ազգային անվտանգության ամրապնդմանը՝ աշխատելով բարձր տեխնոլոգիական, դինամիկ միջավայրում, մենք փնտրում ենք հենց Ձեզ։

Հրավիրում ենք մասնագետների, ովքեր՝

- ունեն բարձրագույն կրթություն տեղեկատվական տեխնոլոգիաների կամ հարակից ոլորտում 

- ունեն կիբեռանվտանգության ոլորտում տեսական և/կամ գործնական գիտելիքներ ու փորձ

- ունեն գիտելիքներ արդի կիբեռսպառնալիքների և դրանց հակազդման մեթոդների մասին

- ունեն վերլուծական մտածողություն, պատասխանատվության բարձր զգացում և թիմային աշխատանքի պատրաստակամություն

Ցանկալի է միջազգային հավաստագրերի առկայություն և միջազգային ստանդարտների իմացություն (CISSP, OSCP, CRISC, CySA+, eCPPT, ISO/IEC 27001-27005 կամ համարժեք):

Դուք կունենաք հնարավորություն՝

-մասնակցելու ազգային նշանակության կիբեռպաշտպանական նախաձեռնություններին

-աշխատելու ժամանակակից և շարունակաբար զարգացող տեխնոլոգիական միջավայրում

-զարգացնելու մասնագիտական հմտությունները և Ձեր գիտելիքն ու փորձը ներդնելու Հայաստանի Հանրապետության զարգացման գործում

-մասնակցելու միջազգային ծրագրերի և գործուղումների

-ստանալու մրցունակ և բարձր աշխատավարձ

-օգտվելու սոցիալական երաշխիքներից

-մասնակցելու արտոնյալ բնակարանային վարկավորման ծրագրին

Դիմելու կարգը

Դիմումների ընդունման ժամկետը՝ 2026 թվականի ապրիլի 22-ից մինչև մայիսի 22-ը։

Դիմել կարող եք՝

 ta@sns.am էլ. փոստի հասցեով՝ կցելով դիմումը և ինքնակենսագրականը (CV)

ք. Երևան, Նալբանդյան 104՝ փաստաթղթերը ներկայացնելով առձեռն կամ փոստով