ՀՀ ԱԱԾ գիտաուսումնական կենտրոնում տեղի ունեցավ ԳՈՒԿ խորհրդի որոշմամբ հրատարակված «ՀՀ ազգային անվտանգության ծառայության որպես հետաքննության մարմնի քրեադատավարական կարգավիճակը» վերտառությամբ իրավակիրառական ուղեցույցի շնորհանդեսը:
Աշխատությունում, հիմնվելով ՀՀ ազգային անվտանգության մարմինների կողմից իրականացվող հետաքննչական գործունեության ընթացքում ձևավորված փորձի ու ոլորտի վերափոխված օրենսդրության վերլուծության վրա, ինչպես նաև օգտագործելով դատական պրակտիկայի նյութերը՝ անդրադարձ է կատարվում ՀՀ ԱԱԾ՝ որպես հետաքննության մարմնի քրեադատավարական կարգավիճակի առանցքային հարցերին:
Աշխատանքը կարող է օգտակար լինել ՀՀ ԱԱԾ ԳՈՒԿ ունկնդիրների, ՀՀ ԱԱԾ և հետաքննության ու իրավապահ համակարգի այլ մարմինների աշխատակիցների, ինչպես նաև իրավաբանական բուհերի ու ֆակուլտետների բակալավրիատի ու մագիստրատուրայի ուսանողների և, առհասարակ, քրեադատավարական հիմնախնդիրների ուսումնասիրությամբ զբաղվող իրավաբանների համար: