24 Դեկ 2018

Քննարկվեցին անվտանգության ոլորտում հայկական երկու պետությունների համագործակցությանը վերաբերող հարցեր. ՀՀ ԱԱԾ պատվիրակությունն Արցախում էր

Քննարկվեցին անվտանգության ոլորտում հայկական երկու պետությունների համագործակցությանը վերաբերող հարցեր. ՀՀ ԱԱԾ պատվիրակությունն Արցախում էր

Դեկտեմբերի 22-ին ՀՀ ազգային անվտանգության ծառայության պատվիրակությունը՝ տնօրեն Արթուր Վանեցյանի գլխավորությամբ երկօրյա աշխատանքային այցով Արցախի Հանրապետությունում էր:
Այցի շրջանակում տնօրենը պաշտոնական հանդիպում ունեցավ ԱՀ նախագահ Բակո Սահակյանի և ԱԱԾ տնօրեն Սամվել Շահրամանյանի հետ, որի ընթացքում քննարկվեցին անվտանգության ոլորտում հայկական երկու պետությունների համագործակցությանը վերաբերող հարցեր:
ՀՀ ազգային անվտանգության ծառայության պատվիրակությունը մասնակցեց նաև ԱՀ ԱԱԾ մասնագիտական տոնին նվիրված հանդիսավոր նիստին:
Մասնագիտական բարձր պատրաստականության, ծառայողական պարտականությունների կատարման ընթացքում ձեռք բերած հաջողությունների, ինչպես նաև մասնագիտական տոնի առթիվ տնօրեն Ա. Վանեցյանը պարգևներ հանձնեց ԱՀ ԱԱԾ մի խումբ աշխատակիցների:
Մեկ անգամ ևս շնորհավորելով Ազգային անվտանգության ծառայության աշխատակցի օրվա առթիվ՝ տնօրենն արդյունավետ ծառայություն մաղթեց ողջ անձնակազմին: