Բոլոր նորությունները

09.11.2018

Հատուկ ծառայությունների պատվիրակությունները Մոսկվայում քննարկել են ահաբեկչության դեմ պայքարին առնչվող հարցեր

  Ս.թ. նոյեմբերի 7-8-ը Մոսկվայում տեղի է ունեցել Ռուսաստանի ԴԱԾ-ի գործընկերներ՝ օտարերկրյա պետությունների հատուկ ծառայությունների, անվտանգության մարմինների և իրավապահ մարմինների ղեկավարների XVII նիստը: Ավելի քան 70 օտարերկրյա պետությունների իրավասու գերատեսչությունների պատվիրակությունները քննարկել են միջազգային ահաբեկչության դեմ պայքարում համագործակցության առավել արդիական հարցերը: Նիստին մասնակցել է նաև ՀՀ ազգային անվտանգության ծառայության պատվիրակությունը՝ տնօրեն, գնդապետ Ա.Վանեցյանի գլխավորությամբ: Իր զեկույցում ԱԱԾ տնօրենն առանձնացրել է ներկա փուլում Հարավային Կովկասի տարածաշրջանում գոյություն ունեցող ահաբեկչական բնույթի սպառնալիքները և ընդգծել դրանք չեզոքացնելու ուղղությամբ հատուկ ծառայությունների գործունեության առաջնահերթությունները:

 

03.11.2018

Բացահայտվել է թմրամիջոցների մաքսանենգությամբ զբաղվող հանցավոր խումբ

     Հայաստանի Հանրապետության ազգային անվտանգության ծառայությունը թմրամիջոցների ապօրինի շրջանառության և մաքսանենգության դեմ պայքարին ուղղված իր գործառույթների իրականացման շրջանակներում բացահայտել և վնասազերծել է առանձնապես խոշոր չափերով թմրամիջոցների մաքսանենգությամբ և ՀՀ տարածքում իրացմամբ զբաղվող ևս մեկ հանցավոր խումբ: 

Մանրամասն…

 

01.11.2018

Հայ սահմանապահների այցը Վրաստան

ՀՀ ԱԱԾ սահմանապահ զորքերի և Վրաստանի ՆԳՆ Սահմանային ոստիկանության սահմանային հարցերով 2018թ. համատեղ միջոցառումների պլանի համաձայն, հոկտեմբերի 29-31-ը կայացավ ՀՀ ԱԱԾ սահմանապահ զորքերի ներկայացուցիչների այցը Վրաստանի ՆԳՆ Սահմանային ոստիկանություն:

Այցի ընթացքում կողմերը քննարկեցին միջազգային համագործակցության և ծրագրերի կառավարման հետ կապված մի շարք հարցեր, ինչպես նաև այցելեցին Վրաստանի ՆԳՆ Սահմանային ոստիկանության ցամաքային սահմանի պահպանության դեպարտամենտի Ցիտելի խիդի (Կարմիր կամուրջ) վարչություն, որտեղ վրացի գործընկերները ցուցադրեցին սահմանի տվյալ հատվածի պահպանության հնարավորություններն ու միջոցները: (Լուսանկարներ)

 

27.10.2018

Ալմաթիում տեղի ունեցավ ԱՊՀ անդամ պետությունների Անվտանգության մարմինների և հատուկ ծառայությունների ղեկավարների խորհրդի 45-րդ նիստը 

 2018 թվականի հոկտեմբերի 25-ին Ալմաթիում տեղի ունեցավ Անկախ Պետությունների Համագործակցության անդամ պետությունների Անվտանգության մարմինների և հատուկ ծառայությունների ղեկավարների խորհրդի 45-րդ նիստը, որին մասնակցում էր ՀՀ ազգային անվտանգության ծառայության պատվիրակությունը՝ ԱԱԾ տնօրեն, գնդապետ Արթուր Վանեցյանի գլխավորությամբ:

Նիստի օրակարգում քննարկվել է ներկա փուլում միջազգային ահաբեկչական կազմակերպությունների ռազմավարությունը և  մարտավարությունը, ահաբեկչական գործողություններում Համացանցի օգտագործմանն առնչվող և այլ հարցեր:

Մանրամասն…

 

27.10.2018

Հայ և ռուս սահմանապահների աշխատանքային հանդիպում 

 Հոկտեմբերի 26-ին, Հայաստանի Հանրապետությունում ՌԴ Դաշնային անվտանգության ծառայության Սահմանապահ վարչությունում կայացավ ՀՀ ԱԱԾ Սահմանապահ զորքերի հրամանատար, գնդապետ Վ. Ռ. Սարգսյանի և ՀՀ-ում ՌԴ ԴԱԾ Սահմանապահ վարչության պետ, գեներալ-մայոր Ռ. Ն.Գոլուբիցկու աշխատանքային հանդիպումը:

Հանդիպման ընթացքում կողմերը քննարկեցին սահմանի պահպանության տեխնիկական միջոցների վիճակը, հայ-իրանական ու հայ-թուրքական հատվածներում դրանց փուլային արդիականացման հարցը:

(Լուսանկարներ)

 

26.10.2018

Պատճառված վնասը վերականգնվում է

Ինչպես ավելի վաղ տեղեկացրել էինք, ՀՀ վարչապետի՝ կոռուպցիայի դեմ պայքարի գծով օգնականի կողմից հայտնած տվյալների և տրամադրված փաստաթղթային հիմքերի հիման վրա  նախապատրաստված նյութերով ՀՀ ԱԱԾ քննչական վարչությունում 2018 թվականի օգոստոսի 6-ին հարուցվել էր քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետի հատկանիշներով (առանձնապես խոշոր չափերով յուրացում)։

Մանրամասն…

 

Այլ նորություններ...

«ՍկիզբՆախորդը12345678910ՀաջորդըՎերջ»